Poesie in dialetto leccese: brani in versi scritte da un autore amatoriale in dialetto salentino

Affitti Salento > Info salento > Pensieri in versi leccesi

Sono brani in versi amatoriali, dedicate a momenti di nostalgica tristezza, ai pensieri di chi ricorda tempi lontani magari davani ad una fotografia...


Tristezza


Quandu cittu cittu soffru pe' tristezza,
te la cantina, dr'ecchia memoria, torna a galla
(cantina, sta per ricordi sopiti)
dhrà certa quarche ccosa ca me strazza,
comu 'ntru l'acqua ll'improvvisu, cate nnà palla.

Stau 'llu scuru, scivolanu li penzieri,
umidi l'ecchi, me ddummandu tisperatu : "La tthrou?".
Me ccorgu sulu moi, quantu alia
l'amore te tandu..., l'aggiu sempre sunnatu.

Silenziosu, me cogghie nnu raggiu te sule,
a ppiombu scinde rittu 'ntru llu core,
'nfelatuse te la fenescia scarassata,
chinu te purveri vaganti, sù lle spore.                        
(sintesi di un momento di stasi)

Ulìa senza mme mou, mme ncarizza li capiddhri,
mme dduma l'orizzonte te la curte,
bbiunda te luce, lu scuru te la notte.
Se nde sciu scuntrusa, purtà li tacchi curti.
(tacchi=tipo di calzature femminili basse)

Ndhriiinnn!!....(sona) lu campanieddru te casa.
Ohimme', (saietta) zzumpu te la seggia,
...menu male... stà ddurmia...ete Iddhra
stia llu sciardinu, sta tozza, ohle trase a casa.

Gimen
15/04/2010



Mondolfo 11/06/2010
Penzieri nnanzi a ddo litratti
(Litratti = fotografie)

'Nnu ggiurnu te 'Vernu tra lle carte scaurtandu,
'ddo litratti fra le manu me ccappara,
e, d'improvvisu (nnutecu) li scia uardandu.

L'ecchi..., ch'espressione bbisciu dr'ecchi.
Li toi...? Li mei ...? luntani parlanti,
comu nnu puntu fermu, nnamurati, ulanti.

Dr'ecchi..., li uardu, chiutu l'ecchi e bisciu
li toi... li mei...
Spazianti ntru ll'acante ignotu senza fine
chini te cose e proggetti ncora de sbrigare.
brillanti, chiari comu specchi.

Dr'ecchi, ddo luci guida 'nthru llu scuru te la notte,
ca sonnanu nna strada longa ncora ch'anu ffare,
ca itenu luntanu senza itere
vaganti ntru 'nna luce senza sule,
'mari 'nthru 'llu core senza amore, pensandu a ieri,
'forza fuerti 'nthru lla mente, china te penzieri.

Moi, sereni pensanu a lu passare te lu tiempu,
nu sse l'aspettanu cchiui e moh! Sta rria?
nTraitenu luntanu lu passaggio te dhra porta
ddhru postu, a d'authra luce a dhru paise
ca ,nsieme sempre Amore n'c....lu n'imu scire
puru a dhra mmera cara, cu mmie, Tie.

Penza, tuttu lu bene e male cha iamu pututu ire, imu utu.
La strada te stu percorso se sta spiccia.
Lu currere alle cose e allu tiempu, stae alla fine.
Moh, l'urtime canzuni, core miu pe manu sta ntunamu.
Ma a quiddhra (Morte) a ddhrai, n'imu tutti ddoi scire.
Pe autri tant'anni, tanti insieme lletecandu
comu 'ddo aceddhruzzi nnamurati, cinguettandu.

Quisti..., sù l'auguri pe stu quint'annu !! e su cinquanta
(1953-2003)
e, penzandu moh, a stu sunettu ca t'aggiu fattu
ca stautra nôa ncora t'ia rumasta te scoprire,
Nu t'aggitare, nu tte nde scire,
Tre ccose su rimaste ncora te tire, le cchiu' fine
e, cu nnu tte scerri, cquai moh te l'aggiu ddire

e...suntu,

-Li baci appassionati.
-Le carezze, le cchiu' fine.
-Le telefonate lonche, senza fine.

e...puntu.

Gimen
20/05/2003
Contatti   |   Chi siamo   |   Condizioni generali   |   INSERISCI STRUTTURE   |    Privacy